IPL 2025 : ఫైనల్‌లో ‘ముస్తాక్ అలీ ట్రోఫీ’ రిపీట్ అవుతుందా? అయ్యర్ కాన్ఫిడెన్స్ నిజమవుతుందా ?

IPL 2025 Final : క్రీడాభిమానులు ఆసక్తిగా ఎదురుచూస్తున్న ఐపీఎల్ 2025 ఫైనల్ కోసం అహ్మదాబాద్‌లోని నరేంద్ర మోదీ స్టేడియం ముస్తాబవుతోంది. నేడు ఈ స్టేడియంలో పంజాబ్ కింగ్స్ (PBKS), రాయల్ ఛాలెంజర్స్ బెంగళూరు (RCB) మధ్య టైటిల్ పోరు జరగనుంది. ఇరు జట్లు ఈ మెగా ఫైనల్‌కు సిద్ధమవుతుండగా, పంజాబ్ కెప్టెన్ శ్రేయస్ అయ్యర్ (Shreyas Iyer) ఆర్‌సీబీ కెప్టెన్ రజత్ పాటిదార్‌ (Rajat Patidar)కు ఒక పెద్ద సవాలు విసిరారు. ఈసారి ఐపీఎల్ టైటిల్ ఆర్‌సీబీకి కాకుండా తమ జట్టు పంజాబ్ కింగ్స్‌కే దక్కుతుందని అయ్యర్ చేసిన ప్రకటన, రజత్ పాటిదార్‌ను పూర్తిగా ఆశ్చర్యపరిచింది.

పంజాబ్ కింగ్స్ కెప్టెన్ శ్రేయస్ అయ్యర్ తన జట్టు విజయంపై పూర్తి ధీమా వ్యక్తం చేశారు. ఫైనల్ మ్యాచ్‌కి ముందు మీడియాతో మాట్లాడిన అయ్యర్.. “ఈ సమయంలో నాకు ‘ముస్తాక్ అలీ ట్రోఫీ’ (Mushtaq Ali Trophy) నాటి అనుభూతి కలుగుతోంది. నేను రజత్ పాటిదార్‌ను కలిసినప్పుడు ‘ముస్తాక్ అలీ ట్రోఫీ’ ఫైనల్ మళ్లీ జరుగుతోంది. మనమిద్దరం మళ్లీ టైటిల్ పోరులో నిలిచాం అని చెప్పాను” అని వెల్లడించారు.

గత ఏడాది డిసెంబర్‌లో జరిగిన ముస్తాక్ అలీ ట్రోఫీ ఫైనల్‌లో ముంబై జట్టు మధ్యప్రదేశ్‌ను 5 వికెట్ల తేడాతో ఓడించింది. ఆ సమయంలో ముంబై కెప్టెన్‌గా శ్రేయస్ అయ్యర్ ఉండగా, మధ్యప్రదేశ్ జట్టుకు రజత్ పాటిదార్ కెప్టెన్ గా వహించారు. ఆ గతాన్ని మరోసారి ఐపీఎల్ ఫైనల్‌లో పునరావృతం చేయాలని శ్రేయస్ అయ్యర్ ఆశిస్తున్నారు.

Read Also:IPL 2025 Final : అయ్యర్, పాటిదార్‌లకు రికార్డు సృష్టించే సువర్ణావకాశం.. ఈ మ్యాచ్ చరిత్రలో నిలిచిపోయేనా?

మీడియాతో మాట్లాడుతూ పంజాబ్ కింగ్స్ కెప్టెన్ అయ్యర్.. “మ్యాచ్ గెలవడం మంచి అనుభూతిని ఇస్తుంది. నేను పరిస్థితులకు అనుగుణంగా ఆడటానికి ఇష్టపడతాను. ఒకవేళ నేను లక్ష్యాన్ని ఛేదిస్తుంటే, అవసరమైన రన్ రేట్, పిచ్ ఎలా ఉంది, ఏ బౌలర్లు రాబోతున్నారు అనే విషయాలను పరిశీలిస్తాను. దీని ఆధారంగా నేను నా వ్యూహాన్ని రూపొందించి, చివరి వరకు ఆడటానికి ప్రయత్నిస్తాను” అని అన్నారు.

క్వాలిఫైయర్-2లో విజయం సాధించిన తర్వాత తాను ఎందుకు పెద్దగా సంబరాలు చేసుకోలేదో కూడా అయ్యర్ వివరించారు. “పని ఇంకా సగం మాత్రమే అయ్యిందని నాకు అనిపించింది. అందుకే క్వాలిఫైయర్-2లో గెలిచిన తర్వాత పెద్దగా సంబరాలు చేసుకోలేదు. ఎందుకంటే జూన్ 3న మనం మళ్లీ మైదానంలోకి దిగాలి” అని ఆయన అన్నారు. ఇది ఫైనల్ మ్యాచ్‌పై అయ్యర్‌కు ఉన్న అంకితభావాన్ని, దృష్టిని తెలియజేస్తోంది.

పంజాబ్ కెప్టెన్ శ్రేయస్ అయ్యర్ తనపై తనకు నమ్మకం ఉందని, అలాగే జట్టులోని ఆటగాళ్లను కూడా బాగా ఆడటానికి ప్రోత్సహిస్తానని చెప్పారు. అయ్యర్ తమ జట్టు కోచ్ రికీ పాంటింగ్ (Ricky Ponting) ను కూడా ప్రశంసించారు. పాంటింగ్ ఒక అద్భుతమైన కోచ్ అని, ఆటగాళ్లను క్రమ పద్ధతిలో మేనేజ్ చేస్తారని అన్నారు. అంతేకాకుండా, ఆయన అన్ని ఆటగాళ్లతో సమానంగా వ్యవహరిస్తారని, ఇది జూనియర్ అయినా, సీనియర్ అయినా ప్రతి ఆటగాడి ఉత్సాహాన్ని పెంచుతుందని, దాని ప్రభావం జట్టు ప్రదర్శనపై పడిందని అయ్యర్ వివరించారు.

Read Also:Kitchen Hacks : వంట పనులు సులభతరం చేసే చిట్కాలు.. ఈ ఐదింటిని పాటించండి