BSNL : బీఎస్ఎన్ఎల్ ధమాకా ఆఫర్.. ఇక మీద ఇంటివద్దకే సిమ్ కార్డ్

BSNL : ప్రభుత్వ టెలికాం సంస్థ బీఎస్ఎన్ఎల్ తన వినియోగదారుల కోసం ఒక కీలక అడుగు వేసింది. ఇకపై కొత్త బీఎస్ఎన్ఎల్ సిమ్ కార్డ్ తీసుకోవడానికి షాపులకు వెళ్లాల్సిన పనిలేదు. కేవలం కొన్ని ఈజీ స్టెప్స్‌తో ఇంటి వద్దకే సిమ్ కార్డ్‌ను తెప్పించుకోవచ్చు. బీఎస్ఎన్ఎల్ తీసుకున్న ఈ నిర్ణయం ఇతర ప్రైవేట్ టెలికాం కంపెనీలైన జియో, ఎయిర్‌టెల్, వీఐలకు తలనొప్పిగా మారింది. ప్రభుత్వ సంస్థ బీఎస్ఎన్ఎల్ ఇప్పుడు వీటికి గట్టి పోటీ ఇవ్వడానికి సిద్ధమవుతోంది.

బీఎస్ఎన్ఎల్ హోమ్ డెలివరీ సర్వీస్ ఎలా పని చేస్తుంది?
బీఎస్ఎన్ఎల్ ఒక ఆన్‌లైన్ పోర్టల్‌ను ప్రారంభించింది. దీని ద్వారా వినియోగదారులు ఇంటి వద్దకే సిమ్ కార్డ్‌ను డెలివరీ పొందుతారు. మీరు కొత్త నంబర్ తీసుకోవచ్చు, లేదా మీ పాత నంబర్‌ను బీఎస్ఎన్ఎల్‌కు పోర్ట్ చేసుకోవచ్చు. ఈ సేవలో ప్రీపెయిడ్, పోస్ట్‌పెయిడ్ రెండు ఆప్షన్లు అందుబాటులో ఉన్నాయి.

Read Also:China danger virus: చైనాలో మరో కొత్త డేంజర్ వైరస్.. సోకితే ప్రాణాలకే ప్రమాదం

సిమ్ కార్డ్ ఆర్డర్ చేసే విధానం
బీఎస్ఎన్ఎల్ కొత్త పోర్టల్‌ను సందర్శించాలి. అక్కడ అడిగిన వివరాలైన మీ పేరు, పిన్ కోడ్, ఏదైనా ఒక మొబైల్ నంబర్ లన్నీ ఫిల్ చేయాలి. మీరు ఇచ్చిన మొబైల్ నంబర్‌కు ఒక ఓటీపీ (OTP) వస్తుంది. ఆ ఓటీపీని ఎంటర్ చేయండి. తర్వాత సెల్ఫ్-కేవైసీ (Self-KYC) పూర్తి చేయాలి. అంటే, మీ డాక్యుమెంట్స్ (ఆధార్, పాన్ వంటివి) ఫోటోను మీరే ఆన్‌లైన్‌లో అప్‌లోడ్ చేయాలి. ఈ ప్రక్రియ పూర్తయ్యాక, మీరు ఇచ్చిన సమయంలో మీ సిమ్ కార్డ్ మీ ఇంటి వద్దకు చేరుతుంది. ఏమైనా సమస్యలు ఎదురైతే, బీఎస్ఎన్ఎల్ హెల్ప్‌లైన్ నంబర్ 1800-180-1503కి కాల్ చేయవచ్చు.

పోటీలో బీఎస్ఎన్ఎల్ అడుగు వెనుక
ఇప్పుడు బీఎస్ఎన్ఎల్ కూడా ఎయిర్‌టెల్, జియో, వీఐ లాగా సిమ్ కార్డులను ఇంటి వద్దకే చేర్చే రేసులో చేరింది. అయితే, బీఎస్ఎన్ఎల్ ఈ హోమ్ డెలివరీకి ఛార్జ్ చేస్తుందా లేదా ఉచితంగా అందిస్తుందా అనేది ఇంకా స్పష్టంగా తెలియదు. ప్రైవేట్ కంపెనీలన్నీ ఈ సర్వీస్‌ను ఉచితంగా అందిస్తున్నాయి.

Read Also:Zodiac Signs: త్వరలో జరగనున్న మహా అద్భుతం.. ఈ రాశుల వారికి అదృష్టమే అదృష్టం

బీఎస్ఎన్ఎల్ ఈ అడుగు ఎందుకు వేసింది?
ట్రాయ్ నివేదిక ప్రకారం.. ఏప్రిల్ నెలలో బీఎస్ఎన్ఎల్ సుమారు 2 లక్షల మంది సబ్‌స్క్రైబర్లను కోల్పోయింది. వీరిలో 1.8 మిలియన్ల మంది యాక్టివ్ యూజర్లు. ఈ నేపథ్యంలో తమ వినియోగదారులను తిరిగి పొందడానికి, కొత్త వారిని ఆకర్షించడానికి బీఎస్ఎన్ఎల్ కొత్త సర్వీసులను తీసుకొస్తోంది. ఈ హోమ్ డెలివరీ సర్వీస్ బీఎస్ఎన్ఎల్ వినియోగదారులకు మంచి సౌలభ్యాన్ని అందించి, మార్కెట్లో దాని స్థానాన్ని మెరుగుపరుస్తుందని ఆశిస్తున్నారు.