OnePlus 13s : ఆపిల్‌కు టెన్షన్ పట్టుకుంది.. OnePlus 13s ఇండియా లాంచ్ డేట్ ఖరారు

OnePlus 13s : కొత్త స్మార్ట్‌ఫోన్ కొనాలనుకుంటున్నారా? అయితే కొంచెం ఆగండి.. వన్‌ప్లస్ త్వరలో సరికొత్త కాంపాక్ట్ ఫ్లాగ్‌షిప్ స్మార్ట్‌ఫోన్‌ను విడుదల చేయనుంది. కొన్ని రోజుల క్రితం చైనా మార్కెట్‌లో విడుదలైన తర్వాత ఇప్పుడు OnePlus 13s ఇండియా లాంచ్ డేట్ ఖరారైంది. ఈ ఫోన్‌ను భారతీయ మార్కెట్‌లో ఏ రోజున విడుదల చేస్తారు. ఈ ఫోన్ ఏయే ఫీచర్లతో వస్తుందో వివరంగా ఈ వార్తలో తెలుసుకుందాం.

భారతదేశంలో OnePlus 13s లాంచ్ తేదీ
వన్‌ప్లస్ అధికారిక X ఖాతా ద్వారా పోస్ట్ షేర్ చేయడం ద్వారా ఈ రాబోయే స్మార్ట్‌ఫోన్‌ను జూన్ 5, 2025న భారతీయ మార్కెట్‌లో విడుదల చేయనున్నట్లు సమాచారం అందించారు. జూన్ 5న విడుదల కానున్న ఈ ఫ్లాగ్‌షిప్ ఫోన్‌లో అనేక అద్భుతమైన ఫీచర్లు ఉండనున్నాయి.

Read Also:AP Government: గ్రామ, వార్డు సచివాలయ ఉద్యోగస్థులకు కూటమి సర్కార్ గుడ్ న్యూస్

A new icon debuts. Save the date. #OnePlus13s pic.twitter.com/Hdgx6Afhf4

— OnePlus India (@OnePlus_IN) May 19, 2025

OnePlus 13s స్పెసిఫికేషన్‌లు
ఫాస్ట్, మల్టీటాస్కింగ్ కోసం OnePlus 13sలో క్వాల్‌కామ్ కంపెనీ స్నాప్‌డ్రాగన్ 8 ఎలైట్ ప్రాసెసర్ ఇచ్చారు. కంపెనీ ఈ చిప్‌సెట్‌ను OnePlus 13లో కూడా ఉపయోగించింది. ఈ ప్రాసెసర్‌తో మీకు మంచి పర్ఫామెన్స్ కనిపిస్తుంది.

ఈ ఫోన్‌ను చల్లగా ఉంచడానికి వేపర్ ఛాంబర్ కూలింగ్ సిస్టమ్ ఇవ్వనుంది. ఈ సిస్టమ్ కారణంగా ఫోన్ స్మూత్‌గా, వేగంగా, చల్లగా పనిచేస్తుంది. బ్యాటరీ కెపాసిటీ గురించి ప్రస్తుతం సమాచారం లేదు. అయితే OnePlus 13s ఒకసారి పూర్తిగా ఛార్జ్ చేస్తే 24 గంటల వరకు నిరంతర వాట్సాప్ కాలింగ్ లేదా 16 గంటల వరకు ఇన్‌స్టాగ్రామ్ బ్రౌజింగ్‌ను సులభంగా నిర్వహించగలదని పేర్కొన్నారు.

ఈ ఫోన్ మందం 8.15mm ఉండవచ్చు. అంటే ఈ ఫోన్‌ను స్లిమ్ డిజైన్‌తో విడుదల చేయవచ్చు. దీనితో పాటు, 185 గ్రాముల బరువు కలిగిన ఈ ఫ్లాగ్‌షిప్ ఫోన్‌లో మెరుగైన గ్రిప్ కోసం ఫోన్ రెండు వైపులా కర్వ్డ్ 2.5D గ్లాస్ ఇవ్వవచ్చు.

Read Also:Monalisa : మోనాలిసా డైమండ్ మెరుపులు చూశారా.. బ్లాక్ సూట్‌లో మెరిసిన బ్లాక్ బ్యూటీ

భారతదేశంలో OnePlus 13s ధర
భారతీయ మార్కెట్‌లో ఈ ఫోన్‌ను OnePlus 13R (ధర రూ.42999), OnePlus 13 (ధర రూ.69999) మధ్య విడుదల చేయవచ్చు. ఈ ఫ్లాగ్‌షిప్ ఫోన్ ధర రూ.50,000 లేదా రూ.55,000 ఉండవచ్చు. ఈ ధర రేంజులో ఈ ఫోన్ iPhone 16e, Pixel 9a లకు పోటీ ఇవ్వనుంది.