Cibil Score: లోన్ తీసుకోకపోయినా సిబిల్ స్కోర్ తక్కువగా ఉందా.. కారణమేంటో తెలుసా?

Cibil Score: ఈ మధ్య కాలంలో చాలా మంది లోన్ తీసుకుంటున్నారు. ఎంత డబ్బు అవసరం ఉన్నా కూడా ఏదో ఒక సమయంలో డబ్బులు అప్పు తీసుకోవాల్సి వస్తుంది. అయితే కొందరు లోన్ తీసుకుని సరిగ్గా కట్టకపోతే సిబిల్ స్కోర్ తగ్గిపోతుంది. కానీ మరికొందరు అసలు లోన్ తీసుకోకపోయినా కూడా సిబిల్ స్కోర్ పూర్తిగా తగ్గిపోతుంది. సాధారణంగా లోన్ తీసుకుని దాని సమయం పూర్తి అయినా కూడా కట్టకపోతే సిబిల్ స్కో్ర్ పడిపోతుంది. అలాగే లిమిట్‌కి మించి లోన్ తీసుకున్న కూడా సిబిల్ స్కోర్ ఒక్కసారిగా తగ్గిపోతుంది. సాధారణంగా ఒక్కో కార్డ్‌కి ఒక లిమిట్ ఉంటుంది. ఆ లిమిట్‌కి తగ్గట్లుగా మాత్రమే తీసుకోవాలి. ఒకవేళ తీసుకున్న సరైన సమయానికి కట్టేయాలి. లేకపోతే మాత్రం సిబిల్ స్కోర్ తగ్గిపోతుంది. అయితే లోన్ తీసుకోకపోయినా ఏయే సమయాల్లో సిబిల్ స్కోర్ తగ్గుతుంది? పూర్తి వివరాలు మీకు తెలియాలంటే స్టోరీపై ఓ లుక్కేయండి.

క్రెడిట్ రిపోర్ట్‌లో తప్పులు ఉండటం లేదా ఏదైనా తప్పుడు సమాచారం ఉండటం వల్ల కూడా సిబిల్ స్కోర్ తగ్గుతుందని నిపుణులు అంటున్నారు. గుర్తు తెలియని క్రెడిట్ ఎంక్వైరీల వల్ల కూడా సిబిల్ స్కోర్ తగ్గిపోతుంది. మీరు ఎప్పుడూ లోన్ కోసం అప్లై చేయకపోయినా, ఎవరైనా మీ తరపున క్రెడిట్ కోసం అప్లై చేసి ఉండవచ్చు. లేదా ఏదైనా సంస్థ మీ క్రెడిట్ రిపోర్ట్‌ను తనిఖీ చేసి ఉండవచ్చు. అలాగే మీ పాత క్రెడిట్ కార్డ్ అకౌంట్లను మూసి వేస్తే అది సిబిల్ స్కోర్‌ను ప్రభావితం చేసే అవకాశాలు ఉన్నాయి. వీటితో పాటు జాయింట్ అకౌంట్ వల్ల కూడా వస్తుంది. జాయింట్ అకౌంట్ వల్ల మీతో ఉన్నవారు లోన్ ఏదైనా తీసుకుని దాన్ని సరైన సమయానికి కట్టకపోవడం వల్ల కూడా క్రెడిట్ స్కోర్‌పై ప్రభావం చూపుతుందని నిపుణులు అంటున్నారు

క్రెడిట్ స్కోర్ తక్కువగా ఉన్నప్పుడు ఏం చేయాలి?

క్రెడిట్ రిపోర్ట్‌ను ఏదైనా క్రెడిట్ బ్యూరో నుంచి తెలుసుకోవాలి. అయితే సంవత్సరానికి ఒకసారి ఉచితంగా క్రెడిట్ రిపోర్ట్‌ను తనిఖీ చేసుకునే అవకాశం ఉంది. అందులో ఏవైనా తప్పులు ఉన్నాయో లేదో సరి చూసుకోవాలి. క్రెడిట్ రిపోర్ట్‌లో ఏవైనా తప్పులు కనిపిస్తే, వెంటనే సంబంధిత క్రెడిట్ బ్యూరోకు తెలియజేసి వాటిని సరిచేసుకోవాలి. క్రెడిట్ కార్డ్ లిమిట్‌లో 30% మించకుండా వాడటానికి ప్రయత్నించండి. మీకు రూ.1,00,000 లిమిట్ ఉంది అనుకోండి. మీరు దాన్ని రూ.30,000 మించకుండా వాడుకోవాలి. ఎక్కువ వాడుకుంటే స్కోర్ తగ్గుతుంది. క్రెడిట్ అకౌంట్లు ఎక్కువ కాలం ఓపెన్ చేసి ఉంచడం మంచిది. పాత అకౌంట్లను మూసివేయడం వల్ల మీ క్రెడిట్ హిస్టరీ తగ్గి స్కోర్ ప్రభావితం అవుతుంది.

ఇది కూడా చూడండి: WhatsApp’s new changes: వాట్సప్ ఇకపై అలా కనిపిస్తుంది.. కొత్తగా వచ్చే మార్పులు ఏంటంటే..