Dhanush : ‘కుబేర’ అడ్డుకోవాలని చూస్తే సహించను.. ఎవరికీ ధనుష్ స్ట్రాంగ్ వార్నింగ్

Dhanush : కోలీవుడ్ స్టార్ హీరో ధనుష్ (Dhanush) నటించిన తాజా చిత్రం ‘కుబేర’ రిలీజ్‌కు సిద్ధంగా ఉంది. దర్శకుడు శేఖర్ కమ్ముల తెరకెక్కించిన ఈ చిత్రంలో టాలీవుడ్ హీరో అక్కినేని నాగార్జున కీలక పాత్రలో నటించారు. ఈ సినిమాలో రష్మిక మందన్న హీరోయిన్‌గా నటిస్తోంది. ఇప్పటికే ఈ సినిమాపై భారీ అంచనాలు నెలకొన్నాయి. భారీ అంచనాల మధ్య రూపొందించిన ఈ చిత్రం పాన్ ఇండియా స్థాయిలో విడుదల కానుంది. ఈ సినిమా గురించి కొందరు నెగెటివ్ వార్తలు ప్రచారం చేస్తున్నారని, దీనిపై ధనుష్ స్పందించారు.

ఆడియో లాంచ్ వేడుకలో ధనుష్ సంచలన వ్యాఖ్యలు
‘కుబేర’ చిత్రం జూన్ 20న ప్రపంచవ్యాప్తంగా విడుదల కానుంది. సినిమా యూనిట్ ఇప్పటికే ప్రమోషన్స్‌ను మొదలుపెట్టింది. మేకర్స్ ఇటీవల జూన్ 1న చెన్నైలో ‘కుబేర’ ఆడియో విడుదల కార్యక్రమాన్ని ఏర్పాటు చేశారు. ధనుష్, నాగార్జున, రష్మిక మందన్న, దేవిశ్రీ ప్రసాద్, అనిరుధ్ వంటి సినీ ప్రముఖులు ఈ వేడుకకు హాజరయ్యారు. అయితే, ఈ కార్యక్రమంలో ధనుష్ చేసిన వ్యాఖ్యలు ప్రస్తుతం చర్చనీయాంశంగా మారాయి. తన రాబోయే చిత్రాలపై జరుగుతున్న నెగెటివ్ పబ్లిసిటీని ఆయన తీవ్రంగా ఖండించారు.

Never seen this D in these Years @dhanushkraja 🛐❤️‍🔥

Cut & Right Reply To The Haters !!!#KuberaaAudioLaunch #Kuberaa pic.twitter.com/eqxDzMPcv0

— Dhanush Thambinga Da (@dtd_team) June 1, 2025

Read Also:Thug Life : కమల్ హాసన్ తర్వాత కన్నడిగుల ఆగ్రహాన్ని రెచ్చగొట్టిన ఆర్జీవీ.. ఇంతకీ ఏమన్నారంటే ?

నెగెటివ్ ప్రచారకులపై ధనుష్ ఆగ్రహం
కొందరు తమ స్వార్థం కోసం తమ సినిమా గురించి నెగెటివ్ ప్రచారాన్ని వ్యాపింపజేస్తున్నారని ధనుష్ అన్నారు. ఎవరు ఏది చేసినా తనను, తన సినిమాను ఏమీ చేయలేరని ఆయన హెచ్చరించారు. తన సినిమాకు ఎదురైన నెగెటివ్ పబ్లిసిటీపై ధనుష్ భావోద్వేగంగా స్పందించారు.

ధనుష్ స్ట్రాంగ్ వార్నింగ్
“మీరు నాకు వ్యతిరేకంగా నెగెటివ్ ప్రచారం చేయవచ్చు… కానీ నా సినిమా విడుదల కావడానికి ముందు ఏదీ నన్ను ఆపలేదు. నా అభిమానులు నాతో ఉన్నారు. నా గురించి నెగెటివ్ ప్రచారం చేసేవారు దయచేసి పక్కకు వెళ్లి ఆడుకోండి. మాకు ఈ సర్కస్ అవసరం లేదు. ఇక్కడ నా అభిమానులు మాత్రమే కాదు, నా సహోద్యోగులు కూడా ఉన్నారు. నా అభిమానులు సుమారు 23 సంవత్సరాలుగా నాతో ఉన్నారు. నా గురించి నెగెటివ్ పుకార్లు ప్రచారం చేయడం ద్వారా నన్ను ఆపుతామని మీరు అనుకుంటే, అంతకంటే వెర్రితనం మరొకటి లేదు. నేను గతంలో చాలా కష్టపడ్డాను. అందుకే ఇప్పుడు ఈ స్థాయిలో ఉన్నాను. ప్రపంచానికి ‘కుబేర’ లాంటి సినిమా కావాలి. ఈ సినిమా ఖచ్చితంగా హిట్ అవుతుందని నాకు పూర్తి విశ్వాసం ఉంది” అని ధనుష్ అన్నారు.

Read Also:Gold Price : ట్రంప్ దెబ్బకు పెరిగిన బంగారం.. మళ్లీ రూ.లక్షకు చేరువలో గోల్డ్!