Dhanush: చిరంజీవిని చూడగానే ధనుష్ చేసిన పని వైరల్.. ఊహించని ఘటనకు అంతా షాక్

Dhanush: మనదేశంలో సినిమా అనేది కేవలం వినోదం మాత్రమే కాదు, ఒక సంస్కృతి, ఒక భావోద్వేగం. భారతీయ చలనచిత్ర పరిశ్రమ దేశవ్యాప్తంగా ప్రేక్షకులను అలరిస్తూ, సరిహద్దులను చెరిపేస్తోంది. ఈ కోవలోనే టాలెంటెడ్ డైరెక్టర్ దర్శకుడు శేఖర్ కమ్ముల తెరకెక్కించిన ‘కుబేర’ చిత్రం భారీ విజయాన్ని సాధించి, ప్రేక్షకుల మన్ననలను పొందుతోంది. ధనుష్, నాగార్జున, రష్మిక మందన్న ప్రధాన పాత్రల్లో నటించిన ఈ సినిమా భాషాబేధాలు లేకుండా అందినీ ఆకట్టుకుంటుంది. ఈ విజయాన్ని పురస్కరించుకుని చిత్ర యూనిట్ హైదరాబాద్‌లో సక్సెస్ మీట్‌ను నిర్వహించింది. ఈ కార్యక్రమానికి మెగాస్టార్ చిరంజీవి ముఖ్య అతిథిగా హాజరయ్యారు. ఈ క్రమంలో మెగాస్టార్ ను చూడగానే ధనుష్ ఆయన కాళ్లకు నమస్కరించారు. ఇద్దరూ కాసేపు మాట్లాడుకున్నారు.

దర్శకుడు శేఖర్ కమ్ముల తనదైన శైలిలో అద్భుతంగా తెరకెక్కించిన ‘కుబేర’ చిత్రం మంచి ప్రేక్షకాదరణ పొంది, సక్సెస్ ఫుల్ గా రన్ అవుతుంది. ఈ నేపథ్యంలో చిత్ర బృందం హైదరాబాద్‌లో ఆదివారం సక్సెస్ మీట్‌ను ఘనంగా నిర్వహించింది. ఈ కార్యక్రమానికి సినీ ప్రముఖులు, మీడియా ప్రతినిధులు, అభిమానులు పెద్ద సంఖ్యలో హాజరయ్యారు.

Read Also:Pawan Kalyan : పంచెకట్టులో పవర్ స్టార్..అదిరిపోయిన పవన్ కళ్యాణ్ కొత్త లుక్

ఈ సక్సెస్ మీట్‌కు ముఖ్య అతిథిగా హాజరైన మెగాస్టార్ చిరంజీవి, ఆడిటోరియంలోకి అడుగుపెట్టగానే చిత్ర బృందం సభ్యులను పలకరించారు. అయితే, అక్కడే ఉన్న ధనుష్, చిరంజీవిని చూడగానే వెంటనే ఆయన కాళ్ళకు నమస్కరించారు. ఈ దృశ్యం అందరినీ ఆకట్టుకుంది. ధనుష్ చూపిన ఈ వినయం పెద్దల పట్ల భారతీయ సంస్కృతిలో ఉండే గౌరవాన్ని మరోసారి చాటింది. అనంతరం, చిరంజీవి, ధనుష్ ఇద్దరూ కొద్దిసేపు ఆత్మీయంగా ముచ్చటించుకున్నారు. వారిద్దరి మధ్య సినీ రంగం, వ్యక్తిగత విషయాలపై సంభాషణ సాగినట్లు తెలుస్తోంది.

‘కుబేర’ చిత్రం ఈ సినిమా ఈ నెల 20న విడుదలైన సంగతి తెలిసిందే. వివిధ భాషలకు చెందిన అగ్రతారలు నటించడంతో పాన్ ఇండియా లెవల్లో మంచి కలెక్షన్లతో దూసుకుపోతుంది. ధనుష్, నాగార్జున, రష్మికల నటన, శేఖర్ కమ్ముల దర్శకత్వం ఈ చిత్ర విజయంలో కీలక పాత్ర పోషించాయి.ఇటీవల చిరంజీవి, డైరెక్టర్ శేఖర్ కమ్ములకు కాస్ల్టీ పెన్ గిఫ్టుగా ఇచ్చిన సంగతి తెలిసిందే.

Read Also:Google Maps : గంటల పని నిమిషాల్లోనే.. గూగుల్ మ్యాప్స్ అద్భుతమైన ఫీచర్