Ancient Condom: 200 ఏళ్ల నాటి పురాతన కండోమ్.. దానిని దేనితో తయారు చేశారో తెలుసా ?
- Edited By: rocky,
- Updated on June 8, 2025 / 05:09 PM
Ancient Condom:సాధారణంగా చరిత్రకు సంబంధించిన కళాఖండాలు అంటే ప్రాచీన పాత్రలు, ఆభరణాలు, శిల్పాలు వంటివి గుర్తుకు వస్తాయి. కానీ, నెదర్లాండ్స్‌లో నెదర్లాండ్స్‌లోని ఆమ్ స్టర్ డామ్ (Amsterdam)లో ఉన్న ప్రఖ్యాత రిజ్క్స్ మ్యూజియం (Rijksmuseum)లో ఈ పురాతన కండోమ్‌ను ప్రదర్శించారు. శృం**గార కళాకృతులతో అలంకరించిన ఈ కండోమ్ 1830 నాటిదిగా గుర్తించినట్లు చెబుతున్నారు. ప్రస్తుతం దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి!
Read Also:The Raja saab Teaser: డార్లింగ్ ఫ్యాన్స్‌కు గుడ్ న్యూస్.. ది రాజాసాబ్ టీజర్ డేట్ ఫిక్స్
గొర్రెల పేగుతో తయారీ
ఈ కండోమ్‌ను గొర్రెల పేగు (sheep intestine) ద్వారా తయారు చేసినట్లు భావిస్తున్నారు. దీనిపై ఉన్న చిత్రాన్ని ఓ సన్యాసిని (nun), ముగ్గురు మతాధికారులను (clergymen) సూచించేదిగా భావిస్తున్నారు. ఇది 19వ శతాబ్దంలోనే ప్రజలకు లైంగికత (sexuality), గర్భనిరోధకం (contraception)పై ఉన్న అవగాహనను తెలియజేస్తుందని నిపుణులు చెబుతున్నారు. ఈ సందర్భంగా రిజ్క్స్ మ్యూజియం క్యూరేటర్ జాయిస్ జెలెన్ (Joyce Jelen) మాట్లాడుతూ.. ఈ కండోమ్‌ను యూవీ కాంతితో (UV light) తనిఖీ చేస్తే, అది ఉపయోగించబడలేదని నిర్ధారించుకున్నట్లు తెలిపారు. ఇది మంచి స్థితిలోనే ఉందని ఆమె అన్నారు.
Read Also:Creta EV : ఒకప్పుడు అమ్మకాల్లో నంబర్ వన్.. కానీ ఇప్పుడు నెక్సాన్ దెబ్బకు ఢమాల్
అద్భుత స్పందన
దీనిని ప్రదర్శనకు ఉంచినప్పటి నుంచి మ్యూజియం యువకులు, వృద్ధులతో నిండిపోయిందని, ప్రతిస్పందన అద్భుతంగా ఉందని ఆమె తెలిపారు. ఈ కండోమ్ ఫ్రాన్స్‌లోని ఒక వేశ్యాగృహం (brothel) నుండి వచ్చిన ఒక లగ్జరీ సావనీర్ (luxury souvenir) అని నమ్ముతున్నట్లు ఆమె వెల్లడించారు. దీనిపై ఫ్రెంచ్‌లో “ఇది నా ఎంపిక (C’est mon choix)” అని రాసి ఉన్నట్లు వివరించారు. అదేవిధంగా తమకు తెలిసినంతవరకు ప్రింటెడ్ కండోమ్ ఉన్న ఏకైక ఆర్ట్ మ్యూజియం తమదే అని చెప్పిన జెలెన్, తమ సంస్థ ఈ కళాఖండాన్ని ఇతర మ్యూజియంలకు అద్దెకు ఇవ్వడానికి కూడా సిద్ధంగా ఉందని తెలిపారు. అయితే, ఈ కండోమ్ చాలా సున్నితమైనదని ఆమె అన్నారు. ఇది నవంబర్ చివరి వరకు ప్రదర్శనలో ఉంటుందని ఆమె పేర్కొన్నారు. ఈ పురాతన కండోమ్ చరిత్రలో మరుగున పడిపోయిన కొన్ని ఆసక్తికరమైన విషయాలను వెలుగులోకి తెస్తుంది. ఇది కేవలం ఒక ప్రదర్శన వస్తువుగానే కాకుండా, నాటి సమాజం సామాజిక, సాంస్కృతిక అంశాలను కూడా ప్రతిబింబిస్తుంది.
