Mango : శృంగారంపై ఆసక్తిని పెంచే ఈ పండు గురించి తెలుసా?

Mango : పండ్ల రారాజు మామిడి పండ్ల రుచికి ఎవరైనా ఫిదా అవ్వాల్సిందే. కేవలం రుచిలోనే కాదు, ఇవి ఆరోగ్యానికి కూడా ఎంతో మేలు చేస్తాయి. అయితే, మామిడి పండ్లను సరైన పద్ధతిలో తింటున్నారా? ఈ పండ్లలో ఉండే ఫైటిక్ యాసిడ్ చర్మానికి తగిలితే అలర్జీలు, దురద వచ్చే అవకాశం ఉంది. కాబట్టి మామిడి పండ్లను తినే ముందు కనీసం అరగంట పాటు నీటిలో నానబెట్టి శుభ్రంగా కడగాలి. ఇలా చేస్తే అధిక ఫైటిక్ యాసిడ్ తొలగిపోతుంది.

ఆయుర్వేదం ఏం చెబుతోంది?
సాధారణంగా, ఆయుర్వేదం ప్రకారం పండ్లను భోజనంతో కలిపి తినకూడదు. అయితే, మామిడి పండ్లు దీనికి ఒక మినహాయింపు. వీటిని పాలతో కలిపి తీసుకుంటే (ఉదాహరణకు మిల్క్ షేక్), అది శరీరానికి మంచి బలాన్ని ఇస్తుందని చెబుతారు. అంతేకాదు ఇది లైంగిక ఆసక్తిని పెంచి, పిత్త, వాత దోషాలను తగ్గిస్తుంది. అయితే, జీర్ణ సమస్యలు ఉన్నవారు, రుమటాయిడ్ ఆర్థరైటిస్, సోరియాసిస్, లూపస్ వంటి ఆటోఇమ్యూన్ వ్యాధులు ఉన్నవారు, అలాగే చర్మ సమస్యలు ఉన్నవారు మామిడిని పాలతో కలిపి తీసుకోకూడదని ఆయుర్వేదం సూచిస్తుంది.

Read Also:Healthy Food : ఆరోగ్యంగా ఉండాలంటే ఆహారమే కీలకం.. వృద్ధాప్యంలో పాటించాల్సిన ముఖ్యమైన ఆహార నియమాలు ఇవే!

మామిడి పండ్లలోని పోషకాలు, ఆరోగ్య ప్రయోజనాలు
మామిడి పండ్లలో గ్యాలటానిన్స్, మాంగిఫెరిన్ వంటి మొక్కల రసాయనాలు పుష్కలంగా ఉంటాయి. వీటికి శక్తివంతమైన యాంటీఆక్సిడెంట్ లక్షణాలు ఉన్నాయి. ఇవి శరీరానికి హాని కలిగించే ఫ్రీ రాడికల్స్ ప్రభావాన్ని నిరోధించడంలో సహాయపడతాయని అధ్యయనాలు చెబుతున్నాయి. అయితే, ఈ పోషకాలు ఎక్కువగా మామిడి తొక్క కింద భాగంలో ఉంటాయి. కాబట్టి తొక్కతో సహా తినగలిగితేనే పూర్తి ప్రయోజనాలు లభిస్తాయి. మామిడి పండ్ల రసం మలబద్ధకాన్ని తగ్గించి, ప్రేగు కదలికలను సులభతరం చేస్తుంది. దీర్ఘకాలిక మలబద్ధకం ఉన్నవారికి ఇవి సహాయపడతాయని వెల్లడైంది.

చర్మ సౌందర్యానికి మామిడి
మామిడి పండ్లలో విటమిన్ ఎ, విటమిన్ సి అధికంగా ఉంటాయి. ఈ విటమిన్లు చర్మాన్ని బిగుతుగా ఉంచడంలో సహాయపడే కొల్లాజెన్ ఏర్పడటంలో కీలక పాత్ర పోషిస్తాయి. అంటే, ఇవి చర్మాన్ని మృదువుగా ఉంచడానికి, యవ్వనంగా కనిపించడానికి దోహదపడతాయి. మామిడి పండ్లు వృద్ధాప్య సంకేతాలను కూడా తగ్గిస్తాయి.

Read Also:Exercise: మనం ఎక్కువ సేపు కూర్చోవడం కోసం పుట్టలేదు.. అలా ఉంటే డేంజరే