Green Chillies : పచ్చిమిర్చితో గుండెపోటు ప్రమాదం తగ్గుతుందా?

Green Chillies : పచ్చిమిర్చిలో అనేక పోషకాలు, యాంటీఆక్సిడెంట్లు ఉన్నాయి. ఇవి ఆరోగ్యానికి చాలా ప్రయోజకరంగా ఉంటాయి. పచ్చిమిర్చిలో విటమిన్ సి, విటమిన్ ఎ, బీటా-కెరోటిన్, ఐరన్, పొటాషియం వంటివి పుష్కలంగా ఉంటాయి. వీటితో పాటు పచ్చిమిర్చికి ఘాటును ఇచ్చే “క్యాప్సైసిన్” (Capsaicin) అనే ప్రత్యేకమైన రసాయనం కూడా ఉంటుంది. ఈ క్యాప్సైసిన్ మన శరీరానికి అనేక విధాలుగా ప్రయోజనం చేకూరుస్తుంది

గుండె ఆరోగ్యానికి పచ్చిమిర్చి ప్రయోజనాలు
పలు పరిశోధనలు పచ్చిమిర్చిలో ఉండే క్యాప్సైసిన్ గుండె ఆరోగ్యానికి మంచిదని సూచిస్తున్నాయి. ఇది శరీరంలో చెడు కొలెస్ట్రాల్ (LDL) స్థాయిలను తగ్గించడంలో సహాయపడుతుంది. మంచి కొలెస్ట్రాల్ (HDL) స్థాయిలను పెంచడంలో తోడ్పడుతుంది. అంతేకాకుండా, ఇది రక్త ప్రసరణను మెరుగుపరుస్తుంది. రక్తనాళాలలో పేరుకుపోయిన కొవ్వును తగ్గించడంలో సహాయపడుతుంది. దీనివల్ల గుండెపోటు, స్ట్రోక్ వచ్చే ప్రమాదం తగ్గుతుంది. పచ్చిమిర్చిలో ఉండే యాంటీ-ఆక్సిడెంట్లు శరీరంలో మంటను తగ్గిస్తాయి. మంట కూడా గుండె జబ్బులకు ఒక ప్రధాన కారణం అని భావిస్తారు.

Read Also:Old Vehicles Ban : మీ బండి కొని పదేళ్లు దాటిందా… అయితే ఇక బంకు వాళ్లు మీకు పెట్రోల్ పోయరు

క్యాన్సర్‌తో పోరాడటంలో సహాయం
పచ్చిమిర్చి గుండె సంబంధిత సమస్యలను తగ్గించడమే కాకుండా, క్యాన్సర్ వంటి వ్యాధులతో పోరాడటంలో కూడా సహాయపడుతుంది. ఇందులో ఉండే యాంటీ-ఆక్సిడెంట్లు శరీరంలోని ఫ్రీ రాడికల్స్‌ను తొలగించడానికి పనిచేస్తాయి. ఫ్రీ రాడికల్స్ అనేవి కణాలను దెబ్బతీసి క్యాన్సర్‌కు కారణమయ్యే హానికరమైన పదార్థాలు. పచ్చిమిర్చిలో లభించే క్యాప్సైసిన్ కొన్ని రకాల క్యాన్సర్ కణాల పెరుగుదలను నిరోధించగలదు. ముఖ్యంగా ప్రొస్టేట్, కడుపు, ఊపిరితిత్తుల క్యాన్సర్లలో దీని ప్రయోజనాలు ఇప్పటికే గుర్తించారు.

ఇతర ఆరోగ్య ప్రయోజనాలు:
యాంటీఆక్సిడెంట్లు: పచ్చిమిర్చిలో విటమిన్ సి, ఇతర యాంటీఆక్సిడెంట్లు ఉంటాయి. ఇవి శరీరాన్ని ఆక్సిడేటివ్ ఒత్తిడి నుంచి రక్షిస్తాయి.
విటమిన్లు, ఖనిజాలు: ఇందులో విటమిన్ ఎ, బి, ఇ తో పాటు గుండె ఆరోగ్యానికి ముఖ్యమైన పొటాషియం వంటి ఖనిజాలు కూడా ఉంటాయి.
మంటను తగ్గించడంలో సాయం: పచ్చిమిర్చిలో యాంటీ-ఇన్‌ఫ్లమేటరీ గుణాలు ఉంటాయి. ఇవి శరీరంలో మంటను తగ్గించడంలో సహాయపడతాయి.
బీపీ కంట్రోల్: పచ్చిమిర్చిలో మంచి మొత్తంలో పొటాషియం ఉంటుంది. ఇది బీపీని కంట్రోల్ చేయడంలో సాయపడుతుంది. అధిక రక్తపోటు గుండె జబ్బులకు ఒక ప్రధాన ప్రమాద కారకం.
కొలెస్ట్రాల్ స్థాయిలు: పచ్చిమిర్చిలో ఫైబర్, యాంటీఆక్సిడెంట్లు ఉంటాయి. ఇవి చెడు కొలెస్ట్రాల్‌ను తగ్గించి, మంచి కొలెస్ట్రాల్‌ను పెంచడంలో సహాయపడతాయి.
వెయిట్ బ్యాలెన్స్ : పచ్చిమిర్చిలో తక్కువ కేలరీలు ఉంటాయి. ఫైబర్ ఉంటుంది. ఇది బరువు నిర్వహణకు సహాయపడుతుంది. ఊబకాయం గుండె జబ్బులకు ఒక ప్రమాద కారకం.

Read Also:Atal Pension Yojana : అదిరిపోయే స్కీమ్.. రూ.376కడితే చాలు.. ప్రతినెలా రూ.5000 పెన్షన్

ఎక్కువ పచ్చిమిర్చి తినడం వల్ల కలిగే నష్టాలు:
పచ్చిమిర్చిని తీసుకోవడం గుండె ఆరోగ్యానికి అనేక విధాలుగా ప్రయోజనకరంగా ఉన్నప్పటికీ, ఇది గుండెపోటు ప్రమాదాన్ని నేరుగా తగ్గించడానికి ఒక “మ్యాజిక్ సొల్యూషన్” కాదు. సమతుల్య ఆహారం, క్రమం తప్పకుండా వ్యాయామం గుండె ఆరోగ్యాన్ని కాపాడుకోవడానికి చాలా ముఖ్యమైనవి. అంతేకాకుండా, పచ్చిమిర్చిని ఎక్కువ మొత్తంలో తీసుకోవడం హానికరం కావచ్చు. ఎక్కువ మిర్చి తినడం వల్ల కడుపులో మంట, ఎసిడిటీ లేదా అల్సర్ వంటి సమస్యలు తలెత్తవచ్చు. కాబట్టి, పచ్చిమిర్చిని సమతుల్య మోతాదులో తీసుకోవడం మాత్రమే ప్రయోజనకరంగా ఉంటుంది.