Urine Infection: మహిళల్లో పదే పదే యూరిన్ ఇన్ఫెక్షన్ వస్తుందా? అయితే ఇదే కారణం కావొచ్చు

Urine Infection: పదేపదే యూరిన్ ఇన్ఫెక్షన్ రావడం అనేది ఒక సీరియస్ సమస్య. దీనివల్ల వేరే సమస్యలు కూడా రావొచ్చు. మీకు పదేపదే యూరిన్ ఇన్ఫెక్షన్ వస్తుంటే జాగ్రత్తగా ఉండాలి.

Urine Infection: సాధారణంగా మగవాళ్ళ కంటే ఆడవాళ్ళకే యూరినరీ ట్రాక్ట్ ఇన్ఫెక్షన్ (UTI) ఎక్కువగా వస్తుంది. దీనికి చాలా కారణాలున్నాయి. ముఖ్య కారణం ఆడవాళ్ళ శరీర నిర్మాణం భిన్నంగా ఉంటుంది. పదేపదే యూరిన్ ఇన్ఫెక్షన్ రావడం అనేది ఒక సీరియస్ సమస్య. దీనివల్ల వేరే సమస్యలు కూడా రావొచ్చు. మీకు పదేపదే యూరిన్ ఇన్ఫెక్షన్ వస్తుంటే జాగ్రత్తగా ఉండాలి. పదేపదే యూరిన్ ఇన్ఫెక్షన్ వస్తే ఏం జరుగుతుంది? ఎలాంటి జాగ్రత్తలు తీసుకోవాలి? డాక్టర్లు ఏం చెబుతున్నారో తెలుసుకుందాం.

ఆడవాళ్ళలో యూటీఐ ఎందుకు వస్తుంది?
ఆడవాళ్ళ శరీర నిర్మాణంలో మూత్రనాళం (urethra) మగవాళ్ళ కన్నా చిన్నగా ఉంటుంది. దీనివల్ల బ్యాక్టీరియా మూత్రాశయం (bladder) లోకి సులభంగా చేరుకుంటుంది. అంతేకాదు, యోని (vagina), గుద మార్గం (anus) దగ్గరగా ఉండటం కూడా ఒక కారణం. ఈ ప్రాంతంలో మామూలుగానే బ్యాక్టీరియా ఉంటుంది. దీనివల్ల ఇన్ఫెక్షన్ వచ్చే ప్రమాదం ఎక్కువ. బాత్‌రూమ్ పరిశుభ్రత సరిగా పాటించకపోయినా యూటీఐ వచ్చే అవకాశం ఉంది. తక్కువ నీళ్లు తాగడం, మూత్రాన్ని ఎక్కువసేపు ఆపుకోవడం కూడా ఒక కారణం. వీటితో పాటు, సరిగా లూబ్రికేషన్ లేని కండోమ్‌లు వాడటం వల్ల కూడా యూటీఐ వచ్చే ప్రమాదం ఉంది.

Also Read: Tata Nano: అసంపూర్ణంగా రతన్ టాటా కోరిక.. తన డ్రీమ్ కారుతో ఆయన చేయాలనుకున్న పని ఇదే!

పదేపదే యూటీఐ వస్తే ప్రమాదమా?
సాధారణంగా ఆడవాళ్ళకు పదేపదే యూటీఐ వస్తే, ఏదైనా పెద్ద జబ్బుకు లక్షణమా అని భయపడుతుంటారు. పదేపదే యూటీఐ రావడం అనేది ఏదైనా పెద్ద జబ్బుకు లక్షణం కాదు. అయితే, ఇలా జరుగుతుంటే కిడ్నీ సంబంధిత వ్యాధులు వచ్చే ప్రమాదం మాత్రం ఉంటుంది. అందుకే యూటీఐ విషయంలో మీరు జాగ్రత్తగా ఉండాలని డాక్టర్లు చెబుతున్నారు.

Also Read: Drunk Owner: ఎద్దా మజాకానా.. తాగి ఉన్న యజమానిని ఏం చేసిందంటే?

యూటీఐ రాకుండా ఎలా చూసుకోవాలి?
బాత్‌రూమ్ పరిశుభ్రత: బాత్‌రూమ్ పరిశుభ్రంగా ఉంచుకోవడం ద్వారా చాలా వరకు యూటీఐ నుండి బయటపడవచ్చు. యూరిన్ పోసిన తర్వాత శుభ్రం చేసుకునేటప్పుడు ముందు నుండి వెనక్కి శుభ్రం చేయాలి.
లైంగిక సంబంధాలప్పుడు జాగ్రత్త: శృం**గారంలో పాల్గొనే ముందు, తర్వాత పరిశుభ్రత పాటించడం చాలా ముఖ్యం.
తగినన్ని నీళ్లు తాగండి: ప్రతిరోజూ తగినంత నీరు తాగడం వల్ల బ్యాక్టీరియా బయటకు వెళ్ళిపోతుంది.
మూత్రాన్ని ఆపుకోకండి: యూరిన్ వచ్చినప్పుడు ఎక్కువసేపు ఆపుకోకుండా వెంటనే వెళ్లాలి.
డాక్టర్‌ను కలవండి: ఒకవేళ పదేపదే యూటీఐ వస్తూ ఉంటే, ఆలస్యం చేయకుండా డాక్టర్‌ను సంప్రదించి సరైన సలహా, చికిత్స తీసుకోవాలి.
ఈ జాగ్రత్తలు పాటిస్తే యూటీఐ నుంచి మిమ్మల్ని మీరు రక్షించుకోవచ్చు.