Urine Infection : యూరిన్ ఇన్ఫెక్షన్.. ఈ 8 లక్షణాలు కనిపిస్తే వెంటనే జాగ్రత్త పడండి!

Urine Infection : యూరినరీ ట్రాక్ట్ ఇన్ఫెక్షన్ (UTI) అనేది చాలా సాధారణమైన, కానీ చాలా తీవ్రమైన సమస్య. చాలా మంది దీని లక్షణాలను పెద్దగా పట్టించుకోరు. కానీ సరైన సమయంలో చికిత్స తీసుకోకపోతే ఇది కిడ్నీలకు తీవ్రమైన నష్టం కలిగించవచ్చు. మన శరీరంలోని మలినాలు యూరిన్ ద్వారా బయటకు వెళ్తాయి. ఒకవేళ ఈ యూరినరీ ట్రాక్ట్‌లో ఇన్ఫెక్షన్ వస్తే, యూరిన్ పోయడంలో ఇబ్బందులు వస్తాయి. కొన్నిసార్లు యూరిన్ చాలా తక్కువగా వస్తుంది. ఈ సమస్య తీవ్రం కాకుండా ఉండాలంటే UTI లక్షణాలను గుర్తించి, వెంటనే వైద్యుడిని సంప్రదించాలి.

Read Also:iQOO Neo 10 5G : 36 నిమిషాల్లో ఫుల్ ఛార్జ్.. iQOO Neo 10 5G బ్యాటరీ అదరహో..ధర ఎంతంటే?

యూరిన్ ఇన్ఫెక్షన్ లక్షణాలు
యూరిన్ ఇన్ఫెక్షన్ ఉన్నప్పుడు శరీరంలో కొన్ని స్పష్టమైన లక్షణాలు కనిపిస్తాయి. వీటిని ఏ మాత్రం నిర్లక్ష్యం చేయకూడదు:
* మంట, నొప్పి: యూరిన్ పోస్తున్నప్పుడు మంటగా అనిపించడం లేదా నొప్పి ఉండటం UTI ప్రధాన లక్షణం.
* దుర్వాసన: యూరిన్‌లో తీవ్రమైన దుర్వాసన రావడం.
* పొత్తి కడుపు నొప్పి: పొత్తికడుపు (కడుపు కింది భాగం) లో తీవ్రమైన నొప్పి రావడం.
* యూరిన్ అలవాట్లు మారడం: తరచుగా యూరిన్‌కి వెళ్లాలనిపించడం, కానీ తక్కువ మొత్తంలో యూరిన్ రావడం లేదా యూరిన్ ప్యాటర్న్‌లో మార్పులు రావడం.
* రక్తం: కొన్నిసార్లు యూరిన్‌లో రక్తం కూడా కనిపించవచ్చు.
* అలసట: చాలా అలసటగా అనిపించడం, నీరసంగా ఉండటం.
* జ్వరం, చలి: అకారణంగా జ్వరం రావడం, చలి అనిపించడం.
* నొప్పి (పురుషులలో): పురుషులలో లింగంలో నొప్పి ఉండటం.

పైన చెప్పిన లక్షణాలలో ఏవి కనిపించినా, లేదా యూరిన్ పోస్తున్నప్పుడు మీకు ఏదైనా అసౌకర్యంగా అనిపించినా, వెంటనే అప్రమత్తం కావాలి.

Read Also:Lenovo Laptop : తక్కువ ధరలో పవర్ ప్యాక్డ్ .. రూ.9,999లకే లెనోవో ల్యాప్‌టాప్

ఎప్పుడు డాక్టర్‌ను కలవాలి?
యూరిన్ ఇన్ఫెక్షన్ లక్షణాలు కనిపించిన వెంటనే, స్వయం వైద్యం లేదా ఇంటి చిట్కాల జోలికి వెళ్లకుండా ఉండటమే మంచిది. వెంటనే డాక్టర్‌ను సంప్రదించాలి.డాక్టర్ మీ యూరిన్‌ను పరీక్షించడంతో పాటు, అవసరమైతే బ్లడ్ టెస్ట్‌లు కూడా చేయించవచ్చు. సాధారణంగా యూరిన్ ఇన్ఫెక్షన్లు బ్యాక్టీరియా వల్ల వస్తాయి. కొన్నిసార్లు శరీరంలో నీటి శాతం తగ్గడం (డిహైడ్రేషన్) వల్ల కూడా UTI రావొచ్చు. డాక్టర్ అసలు కారణాన్ని గుర్తించి చికిత్సను అందిస్తారు. యూరిన్ ఇన్ఫెక్షన్ చికిత్సలో ఆలస్యం చేస్తే, అది కిడ్నీలకు సంక్రమించి, వాటి పనితీరును దెబ్బతీస్తుంది. ఇది చాలా తీవ్రమైన పరిణామాలకు దారితీయవచ్చు. కాబట్టి, యూరిన్ ఇన్ఫెక్షన్ లక్షణాలను ఏ మాత్రం నిర్లక్ష్యం చేయకుండా, సమయానికి సరైన చికిత్స తీసుకోవడం ద్వారా కిడ్నీలను, ఆరోగ్యాన్ని కాపాడుకోండి.