Asia Cup 2025 : మరో క్రికెట్ సమరానికి ముహూర్తం ఫిక్స్.. క్రికెట్ అభిమానులకు పండుగే

Asia Cup 2025 : క్రికెట్ అభిమానులకు మరో గుడ్ న్యూస్. పహల్గామ్, కాశ్మీర్‌లో జరిగిన ఉగ్రదాడి తర్వాత, ఏషియా కప్ 2025 జరుగుతుందా లేదా అన్న అనుమానాలు చాలా గట్టిగా వినిపించాయి. భారత్ – పాకిస్థాన్ మధ్య ఉన్న ఉద్రిక్తతల వల్ల, ఈ టోర్నమెంట్ ఈ సంవత్సరం చివర్లో జరుగుతుందా లేదా అని తెలియని పరిస్థితి. అసలు పాకిస్థాన్‌తో ఏ మ్యాచ్‌లు ఆడొద్దు.. ఏసీసీ, ఐసీసీ టోర్నమెంట్లు బైకాట్ చేయాలని బీసీసీఐ పై చాలా ఒత్తిడి వచ్చింది.

కానీ, ఇప్పుడు ఏషియా కప్ 2025కు దారి సుగమం అయింది. టోర్నమెంట్‌ను ఈ ఏడాది చివర్లో నిర్వహించడానికి ప్లానర్స్ రెడీగా ఉన్నారట. ఇది నిజంగా క్రికెట్ లవర్స్‌కు పండగలాంటి వార్తే. ఏషియా కప్ 2025 సెప్టెంబర్ 10 నుంచే మొదలయ్యే అవకాశం ఉంది. ఈసారి భారత్, పాకిస్థాన్ రెండు టీమ్‌లు కూడా టోర్నమెంట్‌లో పాల్గొంటాయని ఖచ్చితంగా తెలుస్తోంది. వచ్చే వారంలో దీనిపై అధికారికంగా ఒక నిర్ణయం కూడా తీసుకోవచ్చట.

Read Also:Rashmika : ‘మైసా’ పోస్టర్‌తో బయటపడిన విజయ్, రష్మిక బంధం

ఏషియన్ క్రికెట్ కౌన్సిల్ కూడా ఆరు టీమ్‌లు పాల్గొనే ఈ టోర్నమెంట్ షెడ్యూల్‌ను జూలై మొదటి వారంలో విడుదల చేయాలని చూస్తోంది. ఈ సంవత్సరం ఈ టోర్నమెంట్ టీ20 ఫార్మాట్‌లో జరుగుతుంది. సెప్టెంబర్ 10ను ప్రారంభ తేదీగా చూస్తున్నారు. అన్నీ ప్లాన్ ప్రకారం జరిగితే, ఏషియా కప్ 2025లో భారత్, పాకిస్థాన్, శ్రీలంక, బంగ్లాదేశ్, ఆఫ్ఘనిస్తాన్, యూఏఈ టీమ్‌లు పాల్గొంటాయి. టోర్నమెంట్ నిర్వహణకు యూఏఈనే ముందు వరుసలో ఉంది.

ఈ ఏషియా కప్‌ను హైబ్రిడ్ మోడల్‌లో నిర్వహించడం గురించి చర్చలు జరుగుతున్నాయట. ఈ టోర్నమెంట్‌కు భారత్ హోస్ట్ గా ఉన్నా, ఏసీసీ గతంలోనే ఒక నిర్ణయం తీసుకుంది. భారత్, పాకిస్థాన్‌ల వంతు ఏషియా కప్ హోస్ట్ చేసే అవకాశం వచ్చినప్పుడు, ఆ మ్యాచ్‌లను తటస్థ వేదికల్లో నిర్వహించాలని అంగీకరించారు. అందువల్ల, పాకిస్థాన్ ఆడే మ్యాచ్‌లను యూఏఈలో నిర్వహించే అవకాశం ఎక్కువగా ఉంది. గతంలో ఐసీసీ మెన్స్ ఛాంపియన్స్ ట్రోఫీలో కూడా భారత్, పాకిస్థాన్ మ్యాచ్ దుబాయ్‌లో ఆడింది.

Read Also:Bigg Boss Season 9: బిగ్ బాస్‌లోకి వెళ్లాలని అనుకుంటున్నారా.. అయితే ఇలా చేయండి

మే నెలలో కాశ్మీర్‌లోని పహల్గామ్‌లో జరిగిన ఉగ్రదాడి తర్వాత, పాకిస్థాన్‌ను ప్రపంచ ఈవెంట్‌లలో బహిష్కరించాలని డిమాండ్లు పెరిగాయి. దీనితో ఏషియా కప్ 2025 నుంచి బీసీసీఐ తప్పుకుంటుందని వార్తలు వచ్చాయి. భారత్ ఆపరేషన్ సింధూర్ చేపట్టి, పాకిస్థాన్, పాక్ ఆక్రమిత కాశ్మీర్‌లో ఉన్న ఉగ్రవాద శిబిరాలను టార్గెట్ చేసిన తర్వాత ఈ విషయాలు మరింత తీవ్రమయ్యాయి.

అయితే, బీసీసీఐ ఈ ఆరు టీమ్‌ల టోర్నమెంట్ నుంచి తప్పుకుంటుందన్న వార్తలను ఖండించింది. బోర్డు సెక్రటరీ దేవజిత్ సైకియా మాట్లాడుతూ, ఏషియా కప్ విషయం కానీ, ఏ ఇతర ఏసీసీ ఈవెంట్ విషయం కానీ, ఏ స్థాయిలోనూ చర్చకు రాలేదని స్పష్టం చేశారు. ఆ వార్తలు కేవలం ఊహాజనితమైనవి మాత్రమే అని ఆయన చెప్పారు.