IPL 2025: క్వాలిఫైయర్-2 ముంబైకి కలిసొస్తే… కప్ ఖాయమా?

IPL 2025: ఐపీఎల్ 2025 ప్రస్తుతం చివరి దశకు చేరుకుంది. ఈ సీజన్‌లో కేవలం రెండు మ్యాచ్‌ల ఆట మాత్రమే మిగిలి ఉంది. అందరి దృష్టి జూన్ 1న అహ్మదాబాద్‌లోని నరేంద్ర మోడీ స్టేడియంలో జరగనున్న క్వాలిఫైయర్-2 మ్యాచ్‌పైనే ఉంది. ఈ మ్యాచ్‌లో ముంబై ఇండియన్స్, పంజాబ్ కింగ్స్ జట్లు ఫైనల్‌లో చోటు దక్కించుకోవడానికి తలపడనున్నాయి.

క్వాలిఫైయర్-1లో పంజాబ్ కింగ్స్ రాయల్ ఛాలెంజర్స్ బెంగళూరు (RCB) చేతిలో ఓటమిని చవిచూసింది. మరోవైపు, ముంబై ఇండియన్స్ ఎలిమినేటర్ మ్యాచ్‌లో గుజరాత్ టైటాన్స్‌ను ఓడించి క్వాలిఫైయర్-2కు చేరుకుంది. ఇది ఐపీఎల్ క్వాలిఫైయర్-2 మ్యాచ్‌ను ముంబై ఇండియన్స్ ఆడటం ఐదోసారి. క్వాలిఫైయర్-2లో ముంబై ప్రదర్శన అద్భుతంగా ఉంది. ఇక్కడ RCBని ఓ విషయం టెన్షన్ పెడుతోంది.

Read Also:Miss World: మిస్ వరల్డ్ ప్రైజ్ మనీ ఎన్ని కోట్లో తెలుసా?

ముంబైకి కలిసొచ్చే సెంటిమెంట్?
ఐపీఎల్‌లో 2011వ సంవత్సరం నుంచి ప్లేఆఫ్ మ్యాచ్‌లు మొదలయ్యాయి. అప్పటినుంచి ముంబై ఇండియన్స్ నాలుగు సార్లు క్వాలిఫైయర్-2 మ్యాచ్ ఆడింది. ఈ నాలుగు సార్లు రెండు మ్యాచ్‌లలో విజయం సాధించగా, రెండు సార్లు ఓటమిని ఎదుర్కొంది. అయితే, అత్యంత ఆసక్తికరమైన విషయం ఏమిటంటే.. ముంబై ఇండియన్స్ ఎప్పుడైతే క్వాలిఫైయర్-2 మ్యాచ్‌ను గెలిచిందో, అప్పుడల్లా టైటిల్‌ను కూడా కైవసం చేసుకుంది.

గత విజయాలు
ముంబై ఇండియన్స్ 2013లో క్వాలిఫైయర్-2లో రాజస్థాన్ జట్టును ఓడించింది. ఆ తర్వాత ఫైనల్‌లో చెన్నై సూపర్ కింగ్స్‌ను ఓడించి టైటిల్‌ను సొంతం చేసుకుంది. అలాగే, 2017లో కూడా క్వాలిఫైయర్-2 గెలిచి, ఆపై ఫైనల్‌లో రైజింగ్ పూణే సూపర్‌జైంట్‌ను చిత్తు చేసింది. అయితే, ముంబై ఇండియన్స్ చివరిసారిగా 2023 ఐపీఎల్‌లో క్వాలిఫైయర్-2 మ్యాచ్ ఆడింది. ఆ మ్యాచ్‌లో వారికి ఓటమి ఎదురైంది.

Read Also:Speed Dating : నిమిషాల్లోనే పార్ట్‌నర్‌ సెలక్షన్.. అసలేంటి ‘స్పీడ్ డేటింగ్’ ?

పంజాబ్ కింగ్స్ గట్టి పోటీనిస్తుందా?
ముంబై ఇండియన్స్ క్వాలిఫైయర్-2లో పంజాబ్ కింగ్స్‌ను ఓడించడం అంత సులభం కాదు. ఐపీఎల్‌లో ఈ రెండు జట్ల మధ్య మొత్తం 33 మ్యాచ్‌లు జరిగాయి. ఇందులో ముంబై జట్టు 17 మ్యాచ్‌లలో విజయం సాధించగా, 16 మ్యాచ్‌లలో పంజాబ్ గెలిచింది. ఈ సీజన్ లీగ్ దశలో కూడా ముంబై పంజాబ్‌తో జరిగిన మ్యాచ్‌లో గెలవలేకపోయింది. మరి ఈ కీలకమైన మ్యాచ్‌లో ముంబై తన అదృష్టాన్ని కొనసాగిస్తుందా లేదా పంజాబ్ సెన్సేషన్ క్రియేట్ చేస్తుందా అనేది చూడాలి.