Allu Arjun : ఫాదర్స్ డే సర్​ప్రైజ్.. పిల్లల గిఫ్ట్‌కు భావోద్వేగానికి గురైన అల్లు అర్జున్!

Allu Arjun : ఈ రోజు (జూన్ 15) ప్రపంచ ఫాదర్స్ డే. ఈ సందర్భంగా సామాన్యుల నుంచి సెలబ్రిటీల వరకు అందరూ తమ తండ్రులను గుర్తు చేసుకుంటున్నారు. అల్లు అర్జున్ (Allu Arjun) పిల్లలు అయాన్ (Ayaan), అర్హ (Arha) కూడా ఫాదర్స్ డే సెలబ్రేట్ చేసుకున్నారు. వారు తమ తండ్రికి ‘ఫాదర్స్ డే’ శుభాకాంక్షలు తెలిపారు. అంతేకాకుండా, తండ్రికి ఒక సర్​ప్రైజ్ కూడా ఇచ్చారు. ఈ విషయాన్ని అల్లు అర్జున్ తన ఇన్‌స్టాగ్రామ్ స్టోరీలో పంచుకుని విషెష్ చెప్పారు.

అల్లు అర్జున్ పిల్లలు తమ తండ్రి కోసం చాక్లెట్ కేక్ తయారుచేశారు. ఈ కేక్‌పై చెర్రీ పండ్లను పెట్టారు. ఈ కేక్‌ను వారే స్వయంగా తయారుచేసినట్లు తెలుస్తోంది. ఈ కేక్‌పై ‘హ్యాపీ ఫాదర్స్ డే’ అని రాసి ఉంది. ఈ ఫోటోను ఇన్‌స్టాగ్రామ్ స్టేటస్‌లో పంచుకున్న అల్లు అర్జున్, “థాంక్ యూ అయాన్, అర్హ. ఐ మిస్ యూ” అని రాశారు.

Read Also:New Bikes : 2025 చివరి నాటికి మార్కెట్‌లో కొత్త సెన్సేషన్ – ఏ బైక్‌లు రాబోతున్నాయో తెలుసా ?

అల్లు అర్జున్ తన పిల్లలను ఎంతో ప్రేమగా చూసుకుంటారు. ఆయన తరచుగా పిల్లలతో కలిసి వెకేషన్‌లకు వెళ్తుంటారు. సినిమా పనుల నుంచి విరామం తీసుకుని ఆయన విదేశాలకు వెళ్తుంటారు. ఈ సమయంలో ఆయన భార్య స్నేహా రెడ్డి కూడా వారితో పాటు ఉంటారు. ప్రస్తుతం అల్లు అర్జున్ సినిమా పనుల కారణంగా పిల్లలతో లేరని చెబుతున్నారు. అందుకే ఆయన ‘ఐ మిస్ యూ’ అని చెప్పినట్లు తెలుస్తోంది.

గతంలో ‘పుష్ప 2’ (Pushpa 2) సినిమా కోసం అల్లు అర్జున్ పొడవైన గడ్డం పెంచారు. ఈ గడ్డం వల్ల ఆయనకు చాలా సమస్యలు ఎదురయ్యాయట. ఎందుకంటే, గడ్డం వల్ల పిల్లలు ముద్దు పెట్టడానికి తన దగ్గరకు వచ్చేవారు కాదని ఆయన చెప్పినట్లు తెలుస్తోంది. అందుకే ఆయన గడ్డం షేవ్ చేసుకోవాలని అనుకున్నారట.

ప్రస్తుతం అల్లు అర్జున్ తన ‘AA22 X A6’ సినిమా పనులతో బిజీగా ఉన్నారు. ఈ చిత్రం కోసం ఆయన తన బాడీలో కూడా మార్పులు చేసుకుంటున్నారని, బాడీని బల్క్ చేస్తున్నారని సమాచారం. ఇటీవలే ఈ సినిమా కోసం దీపికా పదుకొణె కూడా ఎంట్రీ ఇచ్చారు. దీనికి సంబంధించిన వీడియోను ఆయన ఇటీవల షేర్ చేశారు.

Read Also:Passport Process : ఆన్‌లైన్‌లో త్వరగా పాస్‌పోర్ట్ ఎలా పొందాలి?.. అవసరమైన పత్రాలు ఇవే!