Prabhas :’ది రాజా సాబ్’ కోసం రూ.50కోట్లు రెమ్యునరేషన్ తగ్గించుకున్న ప్రభాస్ ? అసలు కారణం ఇదే!

Prabhas : బాక్సాఫీస్ ఫలితాలతో సంబంధం లేకుండా వరుస సినిమాల్లో నటిస్తున్నారు డార్లింగ్ ప్రభాస్‌.. మధ్యలో ఒకటి రెండు సినిమా ఫలితాలు ఆశించినంత మేర లేకపోయినా డార్లిండ్ డిమాండ్ తగ్గలేదు. వరుస చిత్రాలతో దూసుకుపోతున్న ప్రభాస్ తన కెరీర్‌లోనే విభిన్నమైన ఒక చిత్రానికి రెమ్యునరేషన్ తగ్గించుకున్నారనే వార్త ఇప్పుడు హాట్‌టాపిక్‌గా మారింది. ప్ర‌భాస్ బ్యాక్ టు బ్యాక్ సినిమాలతో బిజీగా ఉన్నారు. ప్రస్తుతం ఆయన ‘ది రాజా సాబ్’ (The Raja Saab) సినిమాలో నటిస్తున్నారు. ఇది ప్రభాస్ కెరీర్‌లోనే ఒక విభిన్నమైన చిత్రం. హారర్ కథాంశంతో వస్తున్న ఈ సినిమాపై ప్రభాస్ అభిమానులకు భారీ అంచనాలు ఉన్నాయి. అయితే, వందల కోట్ల రూపాయల రెమ్యునరేషన్ తీసుకునే ప్రభాస్ ‘ది రాజా సాబ్’ సినిమా కోసం తన పారితోషికాన్ని తగ్గించుకున్నారని వార్తలు వస్తున్నాయి.

‘ది రాజా సాబ్’కోసం రూ.50 కోట్లు తగ్గించుకున్న ప్రభాస్?
‘బాహుబలి’ సినిమా సంచలన విజయం తర్వాత ప్రభాస్ డిమాండ్ అమాంతం పెరిగింది. ఒక్కసారిగా తన రెమ్యునరేషన్‌ను గణనీయంగా పెంచేసుకున్నారు. ప్రస్తుతం ఒక సినిమాకు ప్రభాస్ దాదాపు రూ.150 కోట్ల పారితోషికం తీసుకుంటున్నారని ఇండస్ట్రీ టాక్. అయితే, ‘ది రాజా సాబ్’ సినిమా విషయంలో ఆయన ఒక మినహాయింపు ఇచ్చారని తెలుస్తోంది. ఈ చిత్రానికి ఆయన కేవలం రూ.100 కోట్లు మాత్రమే తీసుకున్నారని ప్రచారం జరుగుతోంది. అంటే, దాదాపు రూ.50 కోట్లు తగ్గించుకున్నట్లు సమాచారం.

రెమ్యునరేషన్ తగ్గించుకోవడానికి కారణం అదేనా?
మరి ప్రభాస్ ఏకంగా రూ. 50 కోట్ల రెమ్యునరేషన్ తగ్గించుకోవడానికి కారణం ఏమిటి? ఈ సినిమాను ‘పీపుల్ మీడియా ఫ్యాక్టరీ’ సంస్థ నిర్మిస్తోంది. గతంలో ప్రభాస్ నటించిన ‘ఆదిపురుష్’ సినిమా తెలుగు పంపిణీ హక్కులను ఈ సంస్థ కొనుగోలు చేసి నష్టాలను చవి చూసింది. ఈ కారణంతోనే ప్రభాస్ ఇప్పుడు తన పారితోషికాన్ని తగ్గించుకుని ఉండవచ్చని సినీ వర్గాల్లో చర్చ జరుగుతోంది. నిర్మాతలకు నష్టాలు రావడం పట్ల ప్రభాస్ సానుభూతి చూపించి, తన రెమ్యునరేషన్ విషయంలో సర్దుబాటు చేసుకున్నారని తెలుస్తోంది.

Read Also:Liver Health: లివర్ ఆరోగ్యంగా ఉండాలంటే.. వీటికి దూరంగా ఉండాల్సిందే

‘ది రాజా సాబ్’ విడుదల తేదీ
కొన్ని అనివార్య కారణాల వల్ల ‘ది రాజా సాబ్’ సినిమా పనులు ఆలస్యమయ్యాయి. ఈ చిత్రానికి మారుతి దర్శకత్వం వహిస్తున్నారు. ఈ సినిమాలో ప్రభాస్ సరికొత్త గెటప్‌లో కనిపించనున్నారు. ముందుగా అనుకున్న ప్రకారం.. ఈ సినిమా ఏప్రిల్ 10న విడుదల కావాల్సి ఉంది. అయితే, విడుదల తేదీ వాయిదా పడింది. ఇప్పుడు డిసెంబర్ 5న ‘ది రాజా సాబ్’ సినిమా ప్రపంచవ్యాప్తంగా విడుదల కానుంది.

ప్రభాస్ కెరీర్‌లో రాబోయే సినిమాలు!
‘ది రాజా సాబ్’ ప్రభాస్ కెరీర్‌లో ఇదే మొదటి హారర్ సినిమా కావడం విశేషం. అలాగే ప్రభాస్ ‘కన్నప్ప’ సినిమాలో ఒక ప్రత్యేక పాత్రలో కనిపించనున్నారు. సందీప్ రెడ్డి వంగా దర్శకత్వంలో తెరకెక్కుతున్న ‘స్పిరిట్’ సినిమాకు కూడా ప్రభాస్ హీరోగా నటిస్తున్నారు. ఈ సినిమా ఇంకా సెట్స్ పైకి వెళ్లాల్సి ఉంది. ప్రస్తుతం ప్రభాస్ సినిమాలు బాక్సాఫీస్ వద్ద ఆశించిన స్థాయిలో రాణించకపోయినా, అతని క్రేజ్, పాన్ ఇండియా స్టార్‌డమ్ చెక్కుచెదరలేదు. అందుకే, నిర్మాతలు అతన్ని వదులుకోవడానికి ఇష్టపడడం లేదు.

Read Also:NTR Neel Movie: భారీ యాక్షన్ సీక్వెన్స్.. ఎన్టీఆర్ కోసం ప్రశాంత్ నీల్ ఇంత ప్లాన్ చేశాడా?