Down Syndrome : ప్రెగ్నెన్సీకి ముందే ఈ టెస్టులు చేయించుకోండి.. పుట్టబోయే బిడ్డకు ఏ జబ్బులున్నాయో తెలుస్తుందట

Down Syndrome : ‘సితారే జమీన్ పర్’ సినిమా ఇటీవల థియేటర్లలోకి వచ్చింది. ఈ సినిమాలో డౌన్ సిండ్రోమ్ అనే సమస్య ఉన్న పిల్లల గురించి చూపించారు. ఈ డౌన్ సిండ్రోమ్ అనేది పుట్టుకతో వచ్చే ఒక జెనిటిక్ సమస్య. ఇది కడుపులో ఉన్నప్పుడే బిడ్డకు వస్తుంది. దీనికి ఇప్పటివరకు అసలు ఎలాంటి మందూ లేదు. కేవలం కొన్ని థెరపీలతో దీన్ని కొంతవరకు కంట్రోల్ చేయగలం. ప్రెగ్నెన్సీ మొదట్లోనే కొన్ని టెస్టులు చేయించుకుంటే, పుట్టబోయే బిడ్డకు ఈ సమస్య ఉందో లేదో ముందుగానే తెలుసుకోవచ్చట. దీనికోసం కొన్ని ముఖ్యమైన టెస్టులు చేయించుకోవడం అవసరం అంటున్నారు డాక్టర్లు. గర్భంలో ఉన్న శిశువు ఆరోగ్యం గురించి పూర్తిగా తెలుసుకోవడానికి ఏ టెస్టులు చేయించుకోవాలి, ఏ టెస్టులతో డౌన్ సిండ్రోమ్ బయటపడుతుందో డాక్టర్లు సూచించారు.

గర్భం ధరించడం అనేది ఏ ఆడవారి జీవితంలోనైనా చాలా ముఖ్యమైన సమయం. 9 నెలల పాటు మహిళలు చాలా జాగ్రత్తగా ఉండాలి, ఎన్నో ఇబ్బందులు ఎదుర్కోవాల్సి వస్తుంది. అలాగే, కడుపులో పెరిగే బిడ్డకు కూడా చాలా సమస్యలు రావచ్చు. బిడ్డలో కొన్ని లోపాలు ఉండవచ్చు. ఈ లోపాల వల్ల పుట్టిన తర్వాత బిడ్డ జీవితాంతం ఎన్నో అనారోగ్య సమస్యలతో బాధపడాల్సి రావచ్చు. లేదా బిడ్డ సరిగా ఎదగకుండా పుట్టవచ్చు. కొన్ని సందర్భాల్లో, బిడ్డకు డౌన్ సిండ్రోమ్ రావచ్చు. ఇండియన్ పీడియాట్రిక్ సొసైటీ లెక్కల ప్రకారం.. ప్రతి 800 మంది పిల్లల్లో ఒకరికి ఈ సిండ్రోమ్ వచ్చే అవకాశం ఉందట.

Read Also:Ultraviolette : 2026 డెలివరీకి ముందే బుకింగ్‌లు ఫుల్.. ఈ ఎలక్ట్రిక్ స్కూటర్ మార్కెట్‌ను ఊపేస్తోందిగా

గర్భం దాల్చిన సమయంలోనే శిశువులకు డౌన్ సిండ్రోమ్ వచ్చే అవకాశం ఉందని డాక్టర్లు చెబుతున్నారు. డౌన్ సిండ్రోమ్‌కు ముఖ్య కారణం వంశపారంపర్యంగా వస్తుంది. డౌన్ సిండ్రోమ్‌లో మూడు ప్రధాన రకాలు ఉన్నాయి. ట్రైసోమి 21, ట్రాన్స్‌లోకేషన్, మొజైకిజం. డౌన్ సిండ్రోమ్ ఉన్న పిల్లలు చాలా తీవ్రమైన ఆరోగ్య సమస్యలతో పుడతారు. వారికి జీవితాంతం వైద్య సంరక్షణ అవసరం అవుతుంది. అలాంటి పిల్లలు నేర్చుకోవడానికి, అర్థం చేసుకోవడానికి చాలా టైమ్ పడుతుంది. ఈ సమస్యను బిడ్డ పుట్టకముందే కనిపెట్టొచ్చు.

డౌన్ సిండ్రోమ్ ఉందో లేదో తెలుసుకోవడానికి అల్ట్రాసౌండ్, బ్లడ్ టెస్టులు చేయించుకోవచ్చు. వీటిలో స్క్రీనింగ్ టెస్టులు కచ్చితంగా చేయించుకోవాలి.
ఫస్ట్ ట్రైమెస్టర్ స్క్రీనింగ్ టెస్ట్: ఇది గర్భం దాల్చిన 11 నుండి 13 వారాల మధ్య చేస్తారు. ఇందులో ఎన్టీ స్కాన్ (న్యూకల్ ట్రాన్స్‌లూసెన్సీ స్కాన్), బ్లడ్ టెస్ట్ ఉంటాయి.
సెకండ్ ట్రైమెస్టర్ స్క్రీనింగ్ టెస్ట్: ఇది 15 నుండి 20 వారాల మధ్య చేస్తారు.
కంబైన్డ్ టెస్ట్: ఇది ఫస్ట్, సెకండ్ ట్రైమెస్టర్ టెస్టులను కలిపి చేసేది. ఇది మరింత కచ్చితమైన ఫలితాలను ఇస్తుంది.

Read Also:Password Leak : 1600కోట్ల గూగుల్, యాపిల్ పాస్ వర్డ్ లు లీక్ అయ్యాయట.. తస్మాత్ జాగ్రత్త

వీటితో పాటు సెల్-ఫ్రీ డీఎన్‌ఏ (cfDNA) టెస్ట్ కూడా చేయించుకోవాలి. ఇది గర్భం దాల్చిన 10 వారాల నుంచి చేయించుకోవచ్చు. ఈ టెస్ట్ ప్లెసెంటా నుండి వచ్చే డీఎన్‌ఏ మొత్తాన్ని కొలుస్తుంది. డౌన్ సిండ్రోమ్‌కు కారణమయ్యే అదనపు క్రోమోజోమ్ 21 ఉందో లేదో చూస్తుంది. ఈ సిండ్రోమ్‌కు అసలు ఎలాంటి మందూ లేదు. కేవలం థెరపీల సహాయంతో మాత్రమే దీన్ని కొంతవరకు కంట్రోల్ చేయగలం.