WhatsApp : పొరపాటున వాట్సాప్ చాట్ డిలీట్ చేశారా.. ఇలా చేస్తే మళ్లీ తిరిగి వస్తాయ్

WhatsApp : సెల్‌ఫోన్ వచ్చాక వాట్సాప్ మెసేజ్‌లు, ఫోటోలు, వీడియోలు పంపడానికి ముఖ్యమైన ప్లాట్‌ఫామ్‌గా మారిపోయింది. అయితే, ఒక్కోసారి మెసేజ్‌లు డిలీట్ అయినప్పుడు లేదా చాట్ మొత్తాన్ని డిలీట్ చేసినప్పుడు, వాటిని మళ్లీ తిరిగి పొందడానికి ఒక మార్గం ఉంది. అంటే, కొన్ని సందర్భాల్లో మనం పొరపాటున చాట్‌ను డిలీట్ చేస్తాం. మరికొన్నిసార్లు, కావాలనే చాట్‌ను డిలీట్ చేస్తాం. ఒకవేళ వాటిని మళ్లీ ఎప్పుడైనా తిరిగి పొందాలంటే, వాట్సాప్ ఒక ఆప్షన్‌ను అందించింది. వాట్సాప్ గూగుల్ డ్రైవ్ లేదా ఐక్లౌడ్ లో బ్యాకప్ చేసుకునే అవకాశాన్ని ఇస్తుంది.

Read Also:టెస్ట్ క్రికెట్‌లో బ్యాటింగ్‌లో అరంగేట్రం చేసిన టాప్ క్రికెటర్లు

అయితే, మీరు ఎప్పుడైనా చాట్‌ను డిలీట్ చేయడానికి ముందు బ్యాకప్ చేసి ఉంటే, ఆ చాట్‌ను ఈజీగా తిరిగి పొందవచ్చు. దీన్ని ఉపయోగించుకోవడానికి, ముందుగా ఫోన్‌లో వాట్సాప్‌ను అన్‌ఇన్‌స్టాల్ చేయండి. ఆ తర్వాత గూగుల్ ప్లే స్టోర్ లేదా యాప్ స్టోర్ నుంచి వాట్సాప్‌ను మళ్లీ డౌన్‌లోడ్ చేసుకోండి. ఇలా వాట్సాప్‌ను తిరిగి డౌన్‌లోడ్ చేసుకున్న తరువాత మీ ఫోన్ నంబర్‌ ఎంటర్ చేసి ‘రీస్టోర్’ ఆప్షన్ కనిపించినప్పుడు దానిపై క్లిక్ చేయండి. ఇలా చేయడం ద్వారా మీరు వాట్సాప్‌లోని చాట్‌ను బ్యాకప్ చేసుకోవచ్చు.

Read Also:Maran Brothers : SRH పని ఖతమే.. కావ్యమారన్ కు మూడినట్టే.. సన్ సంస్థకు బ్రదర్స్ స్ట్రోక్

ముందే బ్యాకప్ ఉంటేనే
ఈ విధంగా మీరు పూర్తి మెసేజ్‌లను తిరిగి పొందవచ్చు. అయితే, చాట్‌లు డిలీట్ కావడానికి ముందు బ్యాకప్ చేసి ఉన్న సందర్భాలలో మాత్రమే రికవర్ చేసుకునే అవకాశం ఉంది. బ్యాకప్ టైం లిమిట్ ముగిసిన తర్వాత వచ్చిన లేదా పంపిన మెసేజ్‌లను తిరిగి పొందే అవకాశం లేదు. ఈ బ్యాకప్ కోసం, ముందుగా గూగుల్ డ్రైవ్ లేదా ఐక్లౌడ్‌లో తగినంత స్టోరేజ్ స్పేస్ ఉందని మీరు కన్ఫాం చేసుకోవాలి. వాట్సాప్ సెట్టింగ్స్‌లో బ్యాకప్‌ను ఎనేబుల్ చేస్తే, చాట్‌లు ఆటోమేటిక్‌గా బ్యాకప్ అవుతాయి. కాబట్టి, మీరు డిలీట్ చేసిన చాట్‌ను ఎప్పుడైనా తిరిగి పొందవచ్చు.